डाळ मेथ्याची उसळ

डाळ मेथ्याची उसळ हा पदार्थ मी फक्त माझ्या माहेरीच खाल्लेला आहे. माझी आजी ती उसळ विशेष चांगली करायची. आज त्याची कृती देतेय.

पण मधल्या मधल्या साहित्य :-
1.Mr तुरीची डाळ:-२ ते २.५ वाट्या
सुके खोबरे:- एक छोटा तुकडा 
जिरे:- १ चमचा
गूळ:- १ चमचा
कच्चा मसाला:-१ चमचा
मीठ व तिखट:- चवीनुसार 
लाल मिरच्या, कढीलिंब, लसूण, हिंग, हळद, तेल फोडणीसाठी

कृती :-

ही उसळ लोखंडाच्या कढईत किंवा जाड बुडाच्या पातेल्यात करतात. तुरीची डाळ कढईत किंवा पातेल्यात शिजवायला ठेवायची. अर्धवट(अर्धीकच्ची) शिजत आली की त्यात मोड आलेल्या मेथ्या घालायच्या व एकत्र शिजवत ठेवायचे. सुक्या खोबऱ्याचा तुकडा चिमट्यात पकडून,आगीमध्ये खरपूस भाजून घ्यायचा. पूर्वी चुलीच्या धगीत भाजून घ्यायचे, पण आता आपण गॅसवर भाजून घेऊ शकतो. भाजलेल्या खोबऱ्याला छानसा धुरकट(smoked ) वास येतो व ते काळपट होते. वेगळ्या कढईत, जिरे कोरडेच भाजून घ्यायचे. भाजलेले जिरे व खोबरे कुटून, शिजत असलेल्या डाळ-मेथ्याच्या उसळीत घालायचे. डाळ व मेथ्या एकत्रित नीट शिजल्यावर त्यात चवीपुरते मीठ, तिखट, कच्चा मसाला व गूळ घालायचा. नंतर लोखंडाच्या पळीमध्ये तेल तापवून त्यात जिरे, मोहरी, हिंग, हळद, कढीलिंब, लाल मिरच्या आणि लसूण घालून झणझणीत फोडणी करून उसळीवर घालायची.

ही उसळ खूपच चविष्ट लागते. औषधी आणि आरोग्यदायक असते असे समजले जाते.